| आला आला अश्विनमास । मनि वाटतो उल्हास। |
| आला आला अश्विनमास । मनि वाटतो उल्हास। |
| जाउ भोयरे गावास । अंबाबाई पाहु डोळा ।। |
| नवरात्र महोस्‍तव । राउळात गर्दी दाटे । |
| जगदंबिका भक्तांचि । दर्शनासी आटपिट ।। |
| डोळे भरुन पाहु अंबा । हास्यादमुखि जगदंबा । |
| पाहताचि पाहु वाटे । मन तृप्‍त मुळि ना होय ।। |
| अष्‍टभुजा आयुधानि । शोभे रुप कमलासनि । |
| मंद धूप सुवा‍सांनि । कोंदटला हो गाभारा ।। |
| पुढे दिसे दिव्‍यदुर्ग । निर्दाळण्‍या असुर गर्व । |
| अनुष्ठान मांडियले सर्व । अर्थ ध्‍यानि निट धरा ।। |
| घट मांडुनि त्‍यावर । फुलमाळा वाहियेल्‍या । |
| नंदादिप आवर्जुनि । तेल तुपांचे तेवति ।। |
| चाले सप्‍तशती पाठ । निनादला मंत्र घोष । |
| स्‍तवन आरति अंबेची । प्रदक्षीण पंचपदि । |
| भक्‍त रंगले स्‍तवनी । आनंदले गुणगानी ।। |
| अंबा पाही हा सोहळा । कौतुक हे वाटे मना । |
| ऐसा आनंदि आनंद । आठ दिन हाच छंद । |
| ढोल लेजिमाची साथ । टाळ मृदुंगाच्‍या नादा ।। |
| होम होती अष्‍टमीस । विप्र गर्जे मंत्रघोष । |
| श्रवण करिती सर्वभक्‍त । गुंगुनिया जाती ।। |
| दस-याची शुभवेळा । स्‍नानासाठी अत्‍तर घाला । |
| अभीषेक संततधार । भरा कळशी चांदिनी ।। |
| पुजा करा आनंदाने । धूपदीन करू प्रेमाने । |
| पुरणपोळी नैवेद्याने । तृप्‍त करावि जगदंबा ।। |
| विडा दक्षणा तांबुल । साडी चोळी खण आणा । |
| ओटी भरा नारळांनी । पायी लोटांगण घाला ।। |
| रंगुनिया नामस्‍मरणी । उदय होईल अंबा मनि । |
| उदयोsस्‍तु म्‍हणा म्‍हणा । मायापटल दूर होय ।। |
| |
| नवरात्रोत्‍सव घेऊनि आला मंगल अश्विन मास |
| नवरात्रोत्‍सव घेऊनि आला मंगल अश्विन मास |
| रंगवुनि घट सुरेख सजवु स्‍वागत करुया खास |
| |
| फुलाफुलांच्‍या तोरणमाना बांधुनि दारोदारी |
| विद्युतदीपे झुंबर उजळिल प्रकाश देवघरी |
| मंगल स्नापनानंतर करु या घटस्थापना पूजा |
| नंदादिप तेलतुपाचे सतत स्त्रउ दे ओजा |
| |
| झेंडु शेवंतीच्या माळा अर्पु घर देवास |
| पूजन करुनि तन्माय होउनि करु दुर्गापाठास |
| |
| अनुष्ठान हे नऊ दिवसांचे आवर्जुनि करु नीट |
| करु आरती पंचपदीसह विप्रभोजनी थाट |
| |
| कुमारिकांचे पूजन करुया यथाशक्ति हवने |
| सुवासिनीची भरू या ओटी अर्पुनि अहेव लेणे |
| |
| जाऊ शरण पदि जगदंबेच्‍या करुनि स्‍तुति प्रेमाने |
| कृपाप्रसादे उदय हो तिचा सार्थक येथिल येणे |
| |
| माया बंधन जाईल विलया तिच्या कृपेने खास |
| मात्र असावा रात्रदिन मनि जगदंबेचा ध्‍यास |
